06 дек 07:48
Янгиликлар

Теннис

Саидаъло Покистондаги турнирда чорак финалга чиқди

Покистоннинг Исломобод шаҳрида теннис бўйича “Фьючерс” туркумига кирувчи турнир давом этмоқда.

Соврин жамғармаси 15 000 АҚШ долларини ташкил қилувчи мусобақада уч нафар ҳамюртимиз иштирок этаётган эди. Улардан фақат бир нафари бош соврин учун курашни давом эттирмоқда Саидаъло Саидкаримов илк даврада россиялик Владимир Поляковни 6:3, 6:2 ҳисобида таслим этганди.

Кеча истеъдодли теннисчимиз иккинчи босқич баҳсида турнирнинг олтинчи ракеткаси италиялик Лоренцо Боччини икки сетда ҳам бир хил 6:4 ҳисобида енгди. Энди у ярим финал чиптаси учун турнирнинг биринчи рақамли теннисчиси кореялик Чеонг Кимга қарши кортга чиқади.