19 дек 12:24
Янгиликлар

Теннис

Саидаъло Покистондаги турнирда чорак финалга чиқди

Покистон пойтахти Исломобод шаҳрида теннис бўйича “Фьючерс” туркумига кирувчи турнир давом этмоқда.

Соврин жамғармаси 15 000 АҚШ долларини ташкил қилувчи ушбу мусобақада ҳамюртимиз Саидаъло Саидкаримов ҳам иштирок этяпти. Саидаъло илк даврада покистонлик Мудассар Муртазани 6:3, 6:1 ҳисобида мағлуб этган эди.

Теннисчимиз ҳозиргина якунига етган иккинчи босқич учрашувида саралаш баҳслари ғолибларидан бири таиландлик Воровин Кумтонкитиккулдан устун келди. Саидкаримов 1 соату 36 дақиқа давом этган учрашув якунида рақибини 1:6, 6:1, 6:1 ҳисобида мағлуб этди.