Саидаълонинг Қозондаги эртаги чорак финалда тугади

Мусобақанинг саралаш баҳслари орқали асосий тўрга етиб келган ҳамюртимиз Саидаъло Саидкаримов ҳозиргина якунига етган чорак финал учрашувида кортга чиқди.

Афсуски, 1 соату 7 дақиқа давом этган учрашувда Саидкаримов рақиби сербиялик Деян Катичга 5:7, 0:6 ҳисобида ютқазди. Саидаъло биринчи сетда ҳисоб 5:6 бўлиб турган бир пайтда ўз геймини рақибига бой берди.

Маълумот учун, ҳамюртимиз илк даврада гватемалалик Вильфредо Гонсалесни 6:4, 6:4, иккинчи давра баҳсида россиялик Денис Клокни 6:4, 2:1 (Клок жароҳат олган) ҳисобида мағлуб этган эди.