30 сен 10:30
Янгиликлар
Теннис
Санжар Файзиев Чимкентда курашсиз финалга чиқди
Қозоғистоннинг Чимкент шаҳрида давом этаётган теннис бўйича соврин жамғармаси 10 минг АҚШ долларидан иборат турнир ўзининг ҳал қилувчи палласига кирди.
Бугун ушбу мусобақада финалчилар аниқланмоқда. Турнирнинг учинчи ракеткаси сифатида эътироф этилган ҳамюртимиз Санжар Файзиев бугун ярим финалда россиялик Михаил Фуфугинга қарши кортга чиқиши лозим эди. Лекин рақиб жароҳати сабаб кортга чиқмади ва Файзиев курашсиз финалга йўлланма олди.
Яна бир теннисчимиз Жўрабек Каримов эса айни дақиқаларда финал чиптаси учун баҳс олиб боряпти. Турнирнинг еттинчи ракеткаси бўлган Жўрабек мусобақада бешинчи рақам остида ҳаракат қилаётган эстониялик Владимир Ивановга қарши кортга чиққан.
Ҳавола :
Манба : olamsport.com
Фикрлар