Санжар Файзиев Прагадаги иштирокини якунлади

“Челленжер” туркумига кирувчи ушбу мусобақанинг соврин жамғармаси 43 000 еврони ташкил қилади. Файзиев турнирнинг яккалик баҳсларидан сўнг жуфтликдаги иштирокини ҳам муддатидан аввал якунлади.

Файзиев франциялик ҳамкори Максим Жанвье билан бирга илк даврада Давид Вега ва Кайо Зампьери жуфтлигига 4:6, 5:7 ҳисобида имкониятни бой бериб, мусобақадаги иштирокини тўхтатди.

Маълумот учун, Файзиев яккалик баҳсларининг илк даврасида россиялик Роман Сафиулинга қарши кортга чиқиб, рақибига ютқазиб қўйганди. 19 ёшли Сафиулин дунё рейтингида роппа-роса 400, 22 ёшли Файзиев эса 255-ўринни эгаллаб турганди.