18 апр 17:06
Янгиликлар
Теннис
Санжар Файзиев турнирнинг саралаш финалида кортга чиқди
Хабар берганимиздек, шу кунларда Чехиянинг Прага шаҳрида теннис бўйича "Челленжер" таснифига кирувчи турнир бўлиб ўтмоқда.
Ушбу мусобақада ўз имкониятини синовдан ўтказаётган Санжар Файзиев иштирокини саралаш баҳсларидан бошлаганди. У кеча туркиялик рақибини мағлуб этди. Бугун теннисчимиз турнирнинг асосий тўрига йўлланма берадиган учрашувда америкалик Эмилио Навага қарши кортга чиқди.
Афсуски, 76 дақиқа давом этган баҳсда Файзиев рақибига 3/6, 1/6 ҳисобида мағлуб бўлди ва турнирни тарк этди. Айни пайтда Файзиев АТР рейтингида 625, Нава эса 365-ўринни эгаллаб турибди.
Ҳавола :
Манба : olamsportcom
Фикрлар