Санжар Файзиев ва яна 2 нафар теннисчимиз Қозоғистонда кортга чиқди

Бугун теннисчимиз Марк Трякшин италиялик теннисчи Антонио Кампога қарши ўйин ўтказди. 1 соату 48 дақиқа давом этган учрашувда афсуски, Трякшин 3/6, 6/2, 2/6 ҳисобида мағлубиятга учраб, мусобақани тарк этди.

Бироз аввал Санжар Файзиев мусобақа доирасидаги 1/16 финал ўйинида россиялик Жек Гиббенсга қарши кортга чиқди. 1 соату 13 дақиқа давом этган учрашувда Файзиев 6/2, 6/1 ҳисобида ғалаба қозониб, 1/8 финал босқичига йўл олди. Унинг 1/8 финалдаги рақиби бугун Трякшинни мағлуб этган италиялик Антонио Кампо бўлади.

Мусобақада яна бир теннисчимиз Сунателла Қутибаев россиялик Никита Каширин қарши баҳс олиб борди. 1 соату 27 дақиқа давом этган учрашувда Қутибаев 6/3, 7/6 ҳисобида ғалаба қозониб, кейинги босқичга чиқди.

Аввалроқ, Жўрабек Каримов ҳам мусобақани ғалаба билан бошлагани ҳақида хабар қилгандик.