Санжар Раҳмонов АҚШда навбатдаги жангини ўтказди

Ушбу бокс оқшоми АҚШнинг Калифорния штати Темекула шаҳридаги Pechanga Resort & Casino аренасида бўлиб ўтди. Саккиз раундга мўлжалланган жангда ҳамюртимиз рақиби Хосе Марруфони очколар ҳисобига кўра енгди.

Маълумот учун, Марруфо 10та ғалаба, 6та мағлубият ва 2та дурангга эга эди. Раҳмонов эса бугун фаолиятидаги саккизинчи жангини ўтказиб, еттинчи ғалабасига эришди. Унинг ҳисобида битта дуранг бор. Учта жангда рақибларини муддатидан аввал мағлубиятга учратган.

Аслида Санжар бугун Эндрю Табитига қарши рингга чиқиши лозим эди. Лекин Эндрю ўз режаларига ўзгартириш киритгани сабаб рақиб ўзгартирилганди.