Фёдор Емельяненко Умар Нурмагомедовга маслаҳат берди

"Хулоса чиқариш керак ва олдинга интилиш лозим! Умарнинг ҳозирги руҳий ҳолати яхши эмаслигини тушунаман, лекин биз ринг ёки октагонга чиққанимизда, фақат битта ғолиб "қафас"дан чиқишини англашимиз керак. Албатта, барчамиз ғалаба қозонишни истаймиз, аммо эртами-кеч мағлубият юз бериши мумкин. Бунга тайёр туриш керак. Худонинг ёрдами билан буни енгиб ўтиш ва олдинга қараб ҳаракат қилиш керак. Хулоса чиқариб, таҳлил қилишда давом этиш лозим", — деди Емельяненко Можайскдаги маҳорат дарси чоғида матбуот вакиллари билан суҳбатда.

Шанхайдаги UFC Fight Night 286 турнирида хитойлик рақибига имкониятни бой берган Умар Нурмагомедов UFC енгил вазн тоифаси мета-рейтингида иккинчи ўриндан бешинчи ўринга, матбуот рейтингида эса учинчи ўриндан тўртинчи ўринга тушиб кетди.