04 фев 09:10
Янгиликлар

Теннис

Санкт-Петербург (WTA). Бугун финалда Петра ва Кристина тўқнаш келади

Бугун Россиянинг шимолий пойтахти ҳисобланган Санкт-Петербург шаҳрида хотин-қиз теннисчилар ўртасида ўтказилаётган нуфузли турнирга якун ясалади.

Соврин жамғармаси 733 900 долларни ташкил қилувчи St. Petersburg Ladies Trophy турнирида финалчилар номи маълум бўлди. Мусобақанинг амалдаги ғолибаси франциялик Кристина Младенович россиялик Дарья Касаткинани 3:6, 6:3, 6:2 ҳисобида мағлуб этди.

Иккинчи ярим финал жуфтлигида турнирнинг бешинчи ракеткаси германиялик Юлия Гергес мусобақада имтиёзли йўлланма асосида иштирок этаётган чехиялик Петра Квитовага 5:7, 6:4, 2:6 ҳисобида имкониятни бой бериб қўйди.