03 фев 10:48
Янгиликлар

Теннис

Санкт-Петербург (WTA). Касаткина Australian Open ғолибасини таслим этди

Россиянинг шимолий пойтахти ҳисобланган Санкт-Петербург шаҳрида хотин-қиз теннисчилар ўртасидаги нуфузли турнир бўлиб ўтмоқда.

Соврин ажамғармаси 733 900 долларни ташкил қилувчи St. Petersburg Ladies Trophy турнирида биринчи рақам остида таснифланган, Австралия Очиқ чемпионати ғолибаси бўлган Каролин Возняцки чорак финал учрашувида мағлубият аламини тотиб кўришга мажбур бўлди.

Даниялик теннисчи 1 соату 31 дақиқа давом этган баҳсда дунёнинг 23‑ракеткаси россиялик Дарья Касаткинага 6:7(3), 3:6 ҳисобида ютқазди. Турнирнинг иккинчи ракеткаси латвиялик Елена Остапенко эса чехиялик Петра Квитовага 0:6, 2:6 ҳисобида имкониятни бой берди.

Ярим финал (Бугун):

Юлия Гергес (Германия, 5) – Петра Квитова (Чехия, WC)

Дарья Касаткина (Россия, 8) – Кристина Младенович (Франция, 4)