Сауль Альварес Головкинни ёлғончиликда айблади

Канело - Головкинг ўртасидаги трилогия 17 сентябрь куни Лас-Вегасдаги Т-Mobile Arenaʼда бўлиб ўтади. Канело Головкинни ҳақоратли гаплари учун жазоламоқчи эканлигини таъкидлади.

"Мен уни нокаут қилмоқчиман. У ҳалол инсон эмас. Ўзини яхши кўрсатишга ҳаракат қилади. Аммо, у бутунлай бошқа инсон. Головкин мен ҳақимда кўп ёлғон гаплар айтган. Энди эса мени ҳурмат қилишини таъкидлади. 

Аммо, аввалроқ у Мексика боксини шарманда қилаётганимни айганди. Менинг олдимда эса у фақат ҳурмат ҳақида гапиради. Шунинг учун ҳам Головкинни ёмон кўраман. У ёлғончи!", — деди Альварес TMZʼга берган интервьюсида.