Шаҳобиддин Зоиров: "Проф рингда ўз сўзимни айтадиган вақт келди"

"Олимпиада чемпиони сифатида ушбу жанг оқшомидаги иштироким қай даражада аҳамиятли эканлигини тушуниб турибман. Мақсадлар улкан. Ўз мақсадимга етиш учун ҳар қандай рақибни мағлуб этишга тайёрман. 

Ҳаваскор боксда эришган натижаларим билан фахрланаман. Аммо, профессионал рингда ҳам ўз сўзимни айтадиган вақт келди. 

Жума куни ўтказиладиган жангда менга ким рақиблик қилишининг у қадар аҳамияти йўқ. Олимпия ўйинлари чемпионлиги ва кўникмаларим менга ишонч бағишлайди. 

Яқин дўстим Хуршид Тожибоев бир неча кун олдин проф рингдаги дебютини ажойиб нишонлади. Умид қиламанки, мен Дубайдаги мухлислар учун шоу тақдим этиб бера оламан", - дея Шаҳобиддин Зоировнинг сўзларидан иқтибос келтирмоқда MTK Global компанияси расмий сайти.