20 янв 08:16
Янгиликлар

Дзюдо

Шаҳрам Аҳадов - Тунис Гран-Приси ғолиби!

Африка қитъасининг Тунис давлатида жорий мавсумнинг илк нуфузли мусобақаси - Тунис Гран-Приси бўлиб ўтмоқда.

Пойтахт Тунис шаҳридаги El Menzah Sports Hall аренаси Гран-При туркумига кирувчи ушбу турнирга мезбонлик қилмоқда. Тунис Гран-Присида дунёнинг 50га яқин давлатидан 430 нафар дзюдочи жами 14та вазн (7 нафардан эркаклар ва аёллар) тоифасида татамига чиқишяпти.

Эътиборлиси, мусобақанинг илк куни -66 кг вазн тоифасидаги вакилимиз Шаҳрам Аҳадов барча рақибларини мағлубиятга учратиб, Тунис Гран-Приси ғолибига айланди. Анчадан бери дзюдочиларимиз чемпион бўла олишмаётганди.

Аҳадов финалга қадар словакиялик Андраз Жереб, украиналик Геворг Хачатарян, россиялик Иса Исаев, мисрлик Муҳаммад Абдулмаъгудни мағлубиятга учратди. Олтин медал учун кечган финал баҳсида эса дзюдо ватани ҳисобланган Япония давлати Таро Фужисакадан устун келди.