16 май 12:09
Янгиликлар

Бокс/ММА

Шаҳрам Ғиёсов Кэттеролга қарши чемпионлик жанги олдидан мухлисларга мурожаат қилди

23 май куни Мисрнинг Гиза шаҳрида The Ring ва DAZN ҳамкорлигида профессионал бокс бўйича Glory in Giza турнири ўтказилади.

Оқшомнинг асосий кардида ўзбекистонлик чарм қўлқоп устаси Шаҳрам Ғиёсов Буюк Британия вакили Жек Кэттероллга қарши WBA Regular чемпионлик камари учун рингга кўтарилади.

Ҳамюртимиз жанг олдидан Туркиядаги ўқув-машғулотлар якунлангани, тез орада Мисрга йўл олишини маълум қилди.

"Алҳамдулиллаҳ, тайёргарлигимизнинг асосий қисмини тугатиб олдик. Индинга Мисрнинг Қоҳира шаҳрига, ўша жанг бўладиган Пирамидалар жойлашган манзилга учиб кетамиз. Худо хоҳласа, ҳамма нарсага тайёрмиз. Бир ҳафтадан кейин тарози ва жанг. Дуо қилиб турасизлар, Ин Ша Аллоҳ, Аллоҳ юзимизни ёруғ қилиб, жаҳон чемпионлик камарини ватанимизга олиб келайлик", деб ёзган Ғиёсов Instagram саҳифасида.