22 сен 12:46
Янгиликлар

Дзюдо

Шаҳзодбек Собиров Тошкент Гран-присидаги иштирокини тўхтатди

Бугун пойтахтимиздаги "Ҳумо Арена"да ўтказилаётган дзюдо бўйича Тошкент Гран-присининг сўнгги куни.

Хабар берганимиздек, бугун эркаклар -90, -100 ва +100, аёллар эса -78 ҳамда +78 кг вазн тоифаларида татамига чиқишяпти. Бироз аввал -90 кг вазнда юртимиз шарафини ҳимоя қилган Шаҳзодбек Собиров мусобақадаги илк учрашувини ўтказди.

Афсуски, баҳсларга иккинчи даврадан қўшилган Собиров илк баҳсидаёқ россиялик Хусен Халмурзаевга имкониятни бой бериб, Тошкент Гран-присидаги иштирокини якунлади.

Шунингдек, ҳозиргача ўтказилган беллашувларда ҳамюртларимиздан Достон Мейлиев (-90 кг), Шерали Жўраев (-100 кг), Акрам Буранов (-100 кг), Аловиддин Жўрақулов (-100 кг) ва Ихтиёр Халмуратов (+100 кг) мағлубият аламини тотиб кўришди. Қолган дзюдочиларимиз эса курашни давом эттиришяпти.