11 окт 08:36
Янгиликлар

Теннис

Shanghai Masters. Федерер ғалаба билан бошлади

Дунёнинг иккинчи ракеткаси Рожер Федерер Хитойнинг Шанхай шаҳрида давом этаётган “Мастерс” сериясига кирувчи турнирдаги иштирокини бошлади.

Швейцариялик теннис юлдузи Rolex Shanghai Masters мусобақасининг иккинчи даврасида россиялик Даниил Медведевдан устун келди. Федерер 1 соату 53 дақиқа давом этган баҳсда ATP рейтингида 22-ўринни эгаллаган Медведевни 6/4, 4/6, 6/4 ҳисобида мағлуб этди.

Рожер учрашув давомида 10та эйс зарбаси ва 3та брейк поинтни амалга оширди. Даниил эса 5та эйс зарбаси билан ўз тўп оширишини ютиб олди. Бу теннисчиларнинг илк учрашуви бўлди. Энди Федерер учинчи босқичда испаниялик Роберто Баутиста-Агутга қарши кортга чиқади.