27 апр 10:20
Янгиликлар
Теннис
Шарапова 1,5 йиллик дисквалификациядан кейин кортга қайтди
Россиялик теннисчи Мария Шарапова бир ярим йил давом этган дисквалификациядан сўнг катта теннисга қайтди.
Унинг қайтиши Германиянинг Штутгарт шаҳрида ўтказилаётган нуфузли турнирга тўғри келди. Соврин жамғармаси 710 900 долларни ташкил қилган мусобақа ташкилотчилари Шараповага имтиёзли йўлланма тақдим этишганди.
Мария 11та эйс зарбаси эвазига ушбу турнирнинг илк даврасида италиялик Роберта Винчини 7:5, 6:3 ҳисобида мағлуб этди. Энди Шарапова иккинчи даварада ҳамюрти Екатерина Макаровага қарши кортга чиқади.
Эслатиб ўтамиз, қонида таъқиқланган мельдония моддаси аниқлангани боис россиялик теннисчи бир ярим йилга барча мусобақалардан четлатилган эди.
Ҳавола :
Фикрлар