01 окт 10:40
Янгиликлар

Теннис

Шарапова 3 соатдан ошиқ давом этган баҳс ғолибаси бўлди

Хитой пойтахти Пекин шаҳрида теннис бўйича нуфузли China Open турнирининг асосий тўр баҳслари старт олди.

Россиялик теннис маликаси Мария Шарапова кичик жароҳатдан сўнг яна кортга қайтди. Дунё рейтингида 104-ўринни эгаллаб турган Шарапова илк даврада дунёнинг 18-ракеткаси латвиялик Анастасия Севастовага қарши кортга чиқди.

Уч соату 6 дақиқа давом этган учрашувда россиялик теннисчи 7:6(3), 5:7, 7:6(7) ҳисобида ғалаба қозониб, иккинчи даврага йўлланма олди. Шарапова баҳс мобайнида 11 та эйс зарбасини беришга муваффақ бўлди. Бу унинг дисквалификациядан қайтганидан кейинги энг узоқ давом этган учрашувига айланди.