02 окт 10:10
Янгиликлар

Теннис

Шарапованинг иккинчи даврадаги рақибаси россиялик теннисчи

Хитой пойтахти Пекин шаҳрида теннис бўйича нуфузли China Open турнирининг асосий тўр баҳслари давом этмоқда.

Россиялик теннис маликаси Мария Шарапова кичик жароҳатдан сўнг яна кортга қайтди. Дунё рейтингида 104-ўринни эгаллаб турган Шарапова илк даврада дунёнинг 18-ракеткаси латвиялик Анастасия Севастовани 3 соату 6 дақиқа давом этган баҳсда 7:6(3), 5:7, 7:6(7) ҳисобида мағлуб этганди.

Шарапованинг иккинчи босқичдаги рақибаси унинг ҳамюрти Екатерина Макарова бўлади. Мария дунё рейтингида 104, Екатерина эса 35-ўринни эгаллаб турибди. Шарапова - Макарова учрашуви эртага бизнинг вақт билан соат 18:00да бошланади.