19 дек 07:45
Янгиликлар
Теннис
Шарипова Анқарадаги турнирда, илк рақиб мезбон теннисчи
Бугун Туркиянинг Анқара шаҳрида теннис бўйича “Фьючерс” туркумига кирувчи турнирнинг асосий тўр баҳслари бошланади.
Соврин жамғармаси 50 000 АҚШ долларини ташкил қилувчи ушбу мусобақада ҳамюртимиз Сабина Шарипова ҳам иштирок этади.
Мамлакатимизнинг биринчи рақамли теннисчиси асосий тўр баҳсларида ўз имкониятини синовдан ўтказади. Шарипова турнирда учинчи рақам остида таснифланган.
Қуръа натижасига кўра, ҳамюртимиз илк даврада туркиялик Ченгиз Берфуга қарши кортга чиқади. Мезбон теннисчи асосий тўрда имтиёзли йўлланма асосида ҳаракат қилади.
Сабина ўтган ҳафта БААнинг Дубай шаҳрида бўлиб ўтган турнирда иштирок этиб, чорак финалга қадар етиб борган эди. У иккинчи босқичда яна бир теннисчимиз Нигина Абдураимовани мағлубиятга учратганди.
Ҳавола :
Манба : olamsport.com
Фикрлар