07 сен 15:26
Янгиликлар
Теннис
Шарипова Дальяндаги турнирда чорак финалга чиқди
Мамлакатимизнинг биринчи рақамли теннисчиси Сабина Шарипова Хитойнинг Дальян шаҳрида ўтказилаётган турнирда муваффақиятли тарзда иштирок этяпти.
“Челленжер” туркумига кирувчи мусобақанинг соврин жамғармаси 115 000 АҚШ долларини ташкил қилади. Ҳамюртимиз бундан бир неча дақиқа аввал чорак финал чиптаси учун хорватиялик Яна Феттга қарши кортга чиқди.
Бир дақиқаси кам 2 соат давом этган учрашувда Сабина кучли рақибасини 6:4, 4:6, 6:2 ҳисобида мағлуб этиб, чорак финалга йўлланма олди. Энди Шарипова россиялик машҳур теннисчи Вера Звонарева билан ҳисоб-китоб қилади.
Таққослаш учун, Шарипова дунё рейтингида 159, Фетт 131-поғонадан жой олган. Сабинанинг ярим финал остонасидаги рақибаси бўлган Звонарева эса 623-ўринни эгаллаб турибди.
Ҳавола :
Манба : olamsport.com
Фикрлар