14 сен 10:05
Янгиликлар

Теннис

Шарипова Гуяйн турнири жуфтлигида финалга чиқди

Хитойнинг Гуяйн шаҳрида теннис бўйича соврин жамғармаси 25 000 АҚШ долларидан иборат турнирнинг асосий тўр баҳслари давом этмоқда.

“Фьючерс” туркумига кирувчи ушбу мусобақада ҳамюртимиз Сабина Шарипова ҳам муваффақиятли одимлаяпти. Мамлакатимизнинг биринчи рақамли теннисчиси турнирнинг жуфтликлар баҳсида финалга чиқди.

Беларуслик Лидя Морозова билан бирга биринчи рақамли жуфтликни ҳосил қилган вакиламиз ярим финалда турнирнинг учинчи рақамли жуфтлиги, хитойлик теннисчилар - Ханю Гуо ва Ю Йега қарши кортга чиқишди.

Бир соату 18 дақиқа давом этган учрашувда Шарипова ва Морозова рақибаларини 6:3, 3:6, тай-брекда 12:10 ҳисобида мағлуб этишди. Уларнинг финалдаги рақибалари бироздан сўнг маълум бўлади.