16 дек 14:39
Янгиликлар

Бокс/ММА, Теннис

Шарипова қатнашган турнирда Шуай Пэн чемпион бўлди

БААнинг Дубай шаҳрида теннис бўйича мукофот жамғармаси 100 000 АҚШ долларини ташкил этувчи турнир якунланди.

Турнирда хитойлик Шуай Пэн ғолибликни қўлга киритди. Дунё рейтингида 180-ўринни эгаллаб турган Чин юрит вакиласи ҳал қилувчи финал учрашувида кутилмаган ғалабани тантана қилди.

Ўттиз икки ёшли Шуай Пэн дунёнинг 54-ракеткаси ҳисобланган словакиялик 20 ёшли Виктория Кузьмовани мағлуб этишнинг уддасидан чиқди. Бир соату етти дақиқа давом этган баҳсда 6/3, 6/0 ҳисоби қайд этилди.

Эслатиб ўтамиз, Дубай турнирида мамлакатимизнинг биринчи ракеткаси Сабина Шарипова омадсиз тарзда иштирок этди. Ҳамюртимиз илк даврадаёқ мағлубият аламини тотиб кўрганди.