06 ноя 09:04
Янгиликлар

Теннис

Шарипова Шэньчжэндаги турнирда, у 6-рақамда сараланди

Бугун Хитойнинг Шэньчжэнь шаҳрида теннис бўйича ITF тоифасига кирувчи энг йирик турнирнинг асосий тўр баҳслари бошланади.

Соврин жамғармаси 100 000 АҚШ долларини ташкил қилувчи ушбу мусобақада ҳамюртимиз Сабина Шарипова ҳам иштирок этади. Мамлакатимизнинг биринчи ракеткаси турнирда олтинчи рақам остида сараланди.

Қуръа натижасига кўра, Шарипова мусобақанинг биринчи даврасида черногориялик Данка Ковиничга қарши кортга чиқади. Бу баҳс эртага ўтказилади. Сабина дунё рейтингида 122, Ковинич эса 182-ўринни эгаллаб турибди. Теннисчилар шу кунгача ўзаро тўқнаш келишмаган.