02 мар 12:18
Янгиликлар

Теннис

Шарипова Хитойдаги турнирда чорак финал баҳсини ўтказди

Мамлакатимизнинг биринчи ракеткаси Сабина Шарипова Хитойнинг Ксиамен шаҳри мезбонлик қилаётган турнирда иштирок этяпти.

Мусобақанинг соврин жамғармаси 15 000 АҚШ долларини ташкил этади. Шарипова ушбу турнирнинг биринчи рақамли теннисчиси сифатида ҳаракат қиляпти. Бундан бир неча дақиқа аввал Сабина чорак финал учрашувида кортга чиқди.

Унинг рақибаси хитойлик Ао Гай бўлди. Уч сет давом этган баҳсда Сабина мезбон теннисчини 7:6, 5:7, 6:2 ҳисобида мағлуб этиб, ярим финалга чиқди. Ҳамюртимиз дунё рейтингида 191, Гай эса 539-ўринни эгаллаб турибди.