11 мар 13:48
Янгиликлар

Теннис

Шарипова Хитойдаги турнирнинг саралашида икки ғалабага эришди

Мамлакатимизнинг биринчи ракеткаси Сабина Шарипова Хитойнинг Шеньжэнь шаҳрида ўтказилаётган турнирда иштирок этяпти.

Мусобақанинг соврин жамғармаси 60 000 АҚШ долларини ташкил қилади. Ҳамюртимиз ўз иштирокини саралаш баҳсларидан бошлади. Саралаш турнирининг олтинчи ракеткаси бўлган Сабина дастлабки икки учрашувда ғалабага эришди.

Шарипова аввалига хитойлик Жикси Луни 6:0, 6:1, кейин эса яна бир мезбон теннисчи Сун Хи Люни 6:7(3:7), 6:3, 6:2 ҳисобида таслим этди. Энди вакиламиз асосий тўрга чиқиш учун германиялик Сара-Ребекка Секуличга қарши кортга чиқади.