11 дек 08:50
Янгиликлар

Теннис

Шарипованинг Дубай турнирдаги рақибаси маълум

БААнинг Дубай шаҳрида теннис бўйича соврин жамғармаси 100 000 АҚШ долларидан иборат бўлган турнир давом этмоқда.

Ушбу “Фьючерс” туркумига кирувчи турнирда мамлакатимизнинг биринчи ракеткаси Сабина Шарипова ҳам ўз маҳоратини намойиш этади. Ҳамюртимиз ўз иштирокини тўғридан-тўғри асосий тўрдан бошлайди.

Қуръа натижасига кўра Сабина Шарипова илк даврада турнирнинг тўртинчи сараланган теннисчиси украиналик Катерина Козловага қарши кортга чиқади. Сабина WTA рейтингида 163, Катерина эса 87-ўринни эгаллаб турибди. Иккала теннисчи ҳам 23 ёшда.