23 ноя 08:37
Янгиликлар
Теннис
Шарипованинг Мумбайдаги рақибаси дунёнинг собиқ 12-ракеткаси!
Мамлакатимизнинг биринчи рақамли теннисчиси Сабина Шарипова Ҳиндистоннинг Мумбай шаҳрида ўтказилаётган турнирда муваффақиятли тарзда иштирок этяпти.
Ҳамюртимиз “Челленжер” туркумига кирувчи, соврин жамғармаси 115 000 доллардан иборат ушбу мусобақанинг чорак финалигача бўлган иккита учрашувда турнирнинг саккизинчи ракеткаси россиялик Ирина Хромачёва ҳамда венгриялик Фанни Столларни мағлубиятга учратганди.
Эртага Сабина чорак финал учрашувида турнирнинг учинчи ракеткаси бельгиялик Янина Викмайерга қарши кортга чиқади. 28 ёшли Янина ўз вақтида дунёнинг 12-ракеткасига айланган эди.
Таққослаш учун, Викмайер айни пайтда дунё рейтингида 115, Шарипова эса 186-ўринни эгаллаб турибди. Эртанги баҳс бизнинг вақт билан соат 10:00да бошланади.
Ҳавола :
Манба : olamsport.com
Фикрлар