Шарофиддин Болтабоев Париж "Катта Дубулға" шохсупасига кўтарилди

Париж шаҳри мезбонлик қилган нуфузли мусобақада дунёнинг 115 давлатидан энг сара дзюдочилар иштирок этди. Улар қаторида 14 нафар дзюдочимиз юртимиз шарафини ҳимоя қилди. Биринчи кунги баҳсларда Ҳикматуллоҳ Тўраев (-73 кг) бронза медалини қўлга киритган бўлса, кеча -81 кг вазн тоифасидаги вакилимиз Шарофиддин Болтабоев кумуш медаль соҳибига айланди.

Шарофиддин ҳал қилувчи финал учрашувида бельгиялик Маттиас Кессега қарши татамига чиқди. Беллашув тақдирини ҳакам томонидан берилган учта шидо, яъни огоҳлантириш ҳал қилди. Болтабоев 700, Тўраев 500 рейтинг очкосини қўлга киритди. 

Эслатиб ўтамиз, Шарофиддин чорак финалда амалдаги жаҳон чемпиони, рейтинг пешқадами исроиллик Саги Мукини соф иппон баҳоси билан мағлубиятга учратган, ярим финал беллашувида эса япониялик Сотаро Фиживарадан устун келди.  

1. Маттиас Кессе (Бельгия)

2. Шарофиддин БОЛТАБОЕВ (Ўзбекистон)

3. Антуан Валоис-Фортер (Канада)

3. Сотаро Фуживара (Япония)