Шарофиддин Тошкент "Катта Дубулға" турнири финалида татамига чиқди ФОТОГАЛЕРЕЯ

-81 кг вазн тоифасида юртимиз шарафини ҳимоя қилган қорақалпоғистонлик дзюдочимиз ҳал қилувчи финал беллашувида италиялик Кристиан Парлатига қарши татамига чиқиб, рақибига имкониятни бой бериб қўйди. Шарофиддин кумуш медаль билан бирга қимматли 700 рейтинг очкосини ҳам қўлга киритди. Бир спортчи учун икки ҳафта ичида иккита "Катта Дубулға" турнирида иккита медаль - олтин ва кумуш ёмон натижа эмас.   

Маълумот учун, Шарофиддин ярим финалда рейтингда 1-ўринни эгаллаб турган жаҳон чемпионатининг кумуш медали соҳиби, бельгиялик Маттиас Кассени вазари баҳоси эвазига мағлубиятга учратган эди. Болтабоевнинг финалдаги рақиби Кристиан Парлати эса ярим финалда япониялик жаҳон чемпиони Таканори Нагаседан устун келганди.