22 янв 16:41
Янгиликлар

Бокс/ММА

Шеннон Бриггс Тайсон Фьюри билан музокарага киришди

Супероғир вазн тоифасида собиқ жаҳон чемпиони Шеннон Бриггс яна бир собиқ чемпиони Тайсон Фьюри билан ўзаро жанг юзасидан музокара бошлаганини маълум қилди.

Америкалик 46 ёшли боксчининг айтишича, у ҳозирги ёши ва ҳолатида ҳам жуда яхши спорт формасида.

“Фаолиятимни якунлашим учун ҳали яна 2-3 йил вақт бор. Айни пайтда Тайсон Фьюри билан музокара олиб боряпман. Бизнинг жангимиз Манчестер ёки Лондонда бўлиб ўтиши мумкин.Фьюрини мағлуб этганимдан сўнг чемпионлик камари учун расмий даъвогарга айланаман”, - деди Бриггс.

Эслатиб ўтамиз, бир муддат аввал WBA ташкилоти Шеннон Бриггсни допинг истеъмол қилгани учун 6 ойга бокс фаолиятидан четлатган эди. Ҳозирда боксчи жазо муддатини ўтаб, машғулотларни бошлаб юборган.