30 мар 12:24
Янгиликлар

Бокс/ММА

Шифокорлар UFC чемпионига рухсат беришди

Аралаш қоидалар бўйича ўрта вазн тоифасида UFC чемпиони Роберт Уиттакер машғулотларни бошлаши мумкин.

Шифокорлар расмий равишда Уиттакерга машғулотларни бошлашга рухсат беришди. Роберт бир ярим ой аввал жарроҳлик столига ётган эди. Жарроҳлар унинг чуррагини олиб ташлашганди. Уиттакернинг менежери Титус Дей Робертнинг жанги август ойига мўлжалланаётганини маълум қилди.

Эслатиб ўтамиз, Уиттакер февраль ойида Келвин Гастелумга қарши октагонга чиқиши керак эди. Лекин жанг бошланишига бир неча соат қолган бир пайтда уни касалхонга олиб кетишганди. Энди 13 апрель куни Келвин Гастелум ва Исраэль Адесанья ўртасида вақтинчалик чемпионлик камари учун жанг ўтказади. Ғолиб кейинги жангини Уиттакерга қарши ўтказади.