Шоакрам Исроилов ва Жасур Матчанов РОЗКдаги йиғилишда иштирок этди

Бугун эса ана шу йиғилишнинг мантиқий давоми Республика олимпия захиралари спорт коллежида бўлиб ўтди. Жисмоний тарбия ва спорт вазири Шоакрам Исроилов, Миллий олимпия қўмитаси Бош котиби Жасур Матчанов, шунингдек, мамлакатимиздаги спорт федерациялари раҳбарлари иштирок этган йиғилишда коллеж биносини реконструкция қилиш, қабул квоталари, ташкилий ва бошқа масалалар кўриб чиқилди.

Янгиланган коллежда Олимпия спорт йўналишларига ихтисослаштирилган заллар жаҳон стандартларига жавоб бериши, ҳар бир спорт тури учун алоҳида ёндошув асосида жиҳозланиши лозимлиги қайд этилди.

Маълумки, Республика олимпия захиралари коллежи терма жамоаларимиз учун асосий база сифатида хизмат қилиши лозим. Шунга яраша, мазкур ўқув даргоҳи спортчилари қайд этаётган натижалар ҳам мамлакатимизда юқори ўринларда туриши керак. Аммо, айни пайтда қайд этилаётган натижалар кўнгилдагидек бўлмаяпти. Шу сабабдан ҳам, бу ерда таҳсил олаётган спортчиларни қайта синовдан ўтказиш кераклиги борасида топшириқ берилди.