28 ноя 09:27
Янгиликлар
Теннис
Шофайзиев Индонезиядаги турнирнинг асосий тўрига чиқди
Ўзбекистон терма жамоасига номзод теннисчи Шониғмат Шофайзиев Индонезия пойтахти Жакарта шаҳрида ўтказилаётган турнирда иштирок этяпти.
Ҳамюртимиз соврин жамғармаси 25 000 долларни ташкил қилувчи ушбу мусобақанинг саралаш баҳсларини муваффақиятли якунлаб, асосий тўрга йўлланма олди.
Шофайзиев саралаш босқичида еттинчи рақам остида таснифланган бўлиб, аввалига индонезиялик Хансел Санжаяни 6:3, 6:2, кейин эса 10-ракетка сингапурлик Шаҳид Аламни 6:3, 6:2 ҳисобида енгиб, асосий тўрга чиқди.
Теннисчимизнинг асосий тўр биринчи даврадаги рақиби турнирнинг саккизинчи ракеткаси австралиялик Эндрю Харрис бўлади. Шофайзиев жуфтликлар мусобақасида ҳам ўз имкониятини синаб кўради. У беларуслик Михаил Халяк билан тандем ҳосил қилган.
Ҳавола :
Манба : olamsport.com
Фикрлар