04 авг 11:15
Янгиликлар
Теннис
Шофайзиев ва Саидкаримов Қозондаги иштирокларини якунлашди
Истеъдодли теннисчиларимиз Саидаъло Саидкаримов ва Шониғмат Шофайзиев Россиянинг Қозон шаҳри мезбонлик қилаётган турнирдаги иштирокларини финал остонасида якунлашди.
Ушбу турнирнинг соврин жамғармаси 15 000 АҚШ долларидан иборат. Ҳар икки теннисчимиз жуфтлик баҳсларида ярим финал йўлланмасини қўлга киритишганди.
Афсуски, уларнинг ҳар иккалалари ҳам финал чиптасини қўлга кирита олишмади. Россиялик Максим Ратнюк билан тўртинчи рақамли жуфтликни ҳосил қилган Шофайзиев ярим финалда қозоғистонлик Денис Евсеев ва қирғизистонлик Данияр Дулдаевга 6:7(4), 6:2, тай-брекда 4:10 ҳисобида имкониятни бой берди.
Қозоғистонлик Григорий Ломакин билан тандем ҳосил қилган Саидаъло эса ярим финалда турнирнинг иккинчи рақамли жуфтлиги, россиялик теннисчилар Маркос Каловелонис ҳамда Александр Павлюченков ҳаморклигига 2:6, 5:7 ҳисобида ютқазди.
Ҳавола :
Манба : olamsport.com
Фикрлар