17 янв 09:41
Янгиликлар

Бокс/ММА

Шоҳжаҳон Эргашев 19 январь куни Тошкентга қайтади+ФОТО

Енгилмас ва нокаутчи боксчимиз Шоҳжаҳон Эргашев (12-0, 12 KOs) 19 январь куни Москвадан Тошкентга қайтиб келади.

Айни пайтда у Россия Федерацияси пойтахтида бўлиб турибди. Эргашев бир неча кун она шаҳри Қўқонда бўлганидан сўнг яна АҚШга жўнаб кетади. Олдинда ҳамюртимизни янада жиддий жанглар кутиб турибди.

Эслатиб ўтамиз, Шоҳжаҳон Эргашев проф рингдаги 12-жангини АҚШнинг Нью-Йорк шаҳридаги Turning Stone Resort Casino аренасида ўтказиб, ўзи сингари мағлубият нималигини билмай келаётган америкалик Сони Фредриксон (19-1, 12 KOs)ни учинчи раунддаёқ нокаутга учратганди.

У 19 январь куни соат 16:55да Тошкентга етиб келди.