Шоҳжаҳон Эргашев тарозига чиқди, эртага 8 раундлик жанг ФОТО

Чарм қўлқоп устамизга бу сафарги жангида америкалик Зак Рэмси рақиблик қилади. Бугун тонгда боксчилар тарозидан ўтиш маросимида иштирок этишди ва уларнинг ҳар иккиси ҳам белгиланган вазн меъёрини бажаришди. Боксчилар бир хилда - 63,5 кг тош босишди. 

Маълумот учун, Зак Рэмси шу кунгача профессионал рингда 12 та жанг ўтказиб, уларнинг 8 тасида ғалаба қозонган (4 таси нокаут эвазига). 4 та жангда мағлуб бўлган (2 та нокаут). 

Шоҳжаҳон Эргашев эса профессионал боксдаги фаолияти давомида 14 та жанг ўтказиб, уларнинг барчасини ўз фойдасига ҳал қилган. 13 та жангда ҳамюртимиз муддатидан олдин ғалаба қозона олган. Боксчимиз WBA International чемпионлик камарига эга бўлиб турибди. Лекин эртанги баҳс унинг учун ҳимоя жанги бўлмайди. Жанг 8 раундга мўлжалланган.