Шоҳжаҳон Эргашевнинг навбатдаги жанг санаси ва рақиби маълум бўлди

Унга кўра, профессионал боксда мағлубиятсиз одимлаётган Шоҳжаҳон навбатдаги жангини 10 январь куни АҚШда, Атлантик Ситида ўтказади. Ўша куни Эргашевга америкалик Кейт Хантер рақиблик қилади. 

Маълумот учун, Шоҳжаҳон шу кунгача проф рингда 17 та жанг ўтказган ва уларнинг барчасини ғалаба билан якунлаган (15 та нокаут). Хантер эса проф боксда 11 та жанг ўтказган ва уларнинг барчасида ғолиб бўлган (7 та нокаут). Агар Шоҳжаҳон мазкур жангни ўз фойдасига ҳал қилса, WBA йўналиши чемпиони Марио Барриосга қарши рингга кўтарилиши мумкин бўлади. 

Қайд этиш лозимки, Хантер шу йил апрель ойида бошқа бир ҳамюртимиз Санжарбек Раҳмоновга қарши жанг қилган ва ғалаба қозонганди. 

Эслатиб ўтамиз, Шоҳжаҳон 13 ноябрь куни Грециядаги жанг оқшомида рингга кўтарилиши лозим эди, аммо маълум сабабларга кўра мазкур жанг ташкил этилмади.