31 окт 21:56
Янгиликлар
Дзюдо
Шоҳруҳ Бахтиёров жаҳон чемпионати совриндори!
Ҳарбийлар ўртасидаги жаҳон чемпионатининг энг оғир (+100 кг) вазн тоифасида юртимиз шарафини икки дзюдочимиз ҳимоя қилаётгани ҳақида хабар берган эдик.
Ҳозиргина уларнинг ҳар иккиси ҳам мусобақанинг бронза медаллари учун татамига чиқишди. Шоҳруҳ Бахтиёров словакиялик Мариус Физелни мағлубиятга учратди ва жаҳон чемпионати совриндорига айланди.
Афсуски, Бекмурод Олтибоев финляндиялик Мартти Пуумалайненга ютқазиб қўйди. Айнан шу дзюдочини Бахтиёров чорак финалда таслим этган эди. -70 кг вазнда курашган тажрибали дзюдочимиз Гулноза Матниязова ҳам бронза медали учун бўлиб ўтган беллашувда бразилиялик Фронер Сантанага ютқазиб қўйди.
Ҳавола :
Манба : olamsport.com
Фикрлар