Шомуродов яна "Ювентус" нишонида!

Ҳамюртимиз "Ювентус" кўзлаётган ҳужумчилардан биридир, "кекса синьора" энди унга кўпроқ тўлашига тўғри келади. Турин клуби яна бир ҳужумчини харид қилишни жуда ҳам хоҳламоқда, сабаби жамоада марказий ҳужумчи фақатгина Альваро Моратадир.

Клуб январь ойидаги трансфер ойнасида Шомуродов ва бир неча ҳужумчилар вариантини ўрганган эди. Calciomercato нашри "Юве" ҳали ҳам Шомуродовни ўз таркибига жалб қилишни хоҳлаётгани, аммо унинг ҳозирги нархи 7,5 млн евродан 15 млн еврога ошгани ҳақида ёзмоқда. 

25 ёшли Шомуродов А Серия доирасидаги 22 та ўйинда майдонга тушиб, 3 та гол уришга эришди. Қайд этиш керакки, бугун "Ювентус" - "Женоа" ўйини бўлиб ўтади.