08 дек 14:34
Янгиликлар

Бокс/ММА

Шон-шуҳрат Залига қабул қилинган боксчилар номи маълум

Халқаро бокс шон-шуҳрати Залига қабул қилинадиган боксчиларнинг исм-шарифлари ошкор бўлди.

Замонавий боксчилар тоифасида Жеймс “Бадди” Макгирт, Жулиан Жексон ва Дональд Карри келаси йили Шуҳрат Залига расман қабул қилинади. Номлари тилга олинган боксчилар ўз даврларида икки вазн тоифасида жаҳон чемпиони бўлишган.

Фахрий боксчилар тоифасида (фаолиятини 1988-йилгача якунлаганлар) ярим ўрта вазн тоифасида собиқ жаҳон чемпиони 86 ёшли Тони Демарко ушбу шарафли эътирофга сазовор бўлди.

Шунингдек, машҳур мураббий, айни пайтда параллел равишда шарҳловчилик ҳам қилаётган Тедди Атлас, промоутер Дон Элбаум, ҳакам Ги Жютрас ҳамда журналист Ли Сэмюэлс ҳам Шуҳрат Залига қабул қилинишди. Расмий маросим 2019 йилнинг 6-9 июнь кунлари бўлиб ўтади.