Шон Стрикленд жанглардан номаълум муддатга четлатилди

Энди Шон Стрикленд узоқ муддатли тикланиш жараёнига олиб келиши мумкин бўлган жиддий жароҳатлар билан курашиши керак. Унинг сўзларига кўра, унга иккинчи даражали акромион-ўмров бўғимининг ёрилиши, елка бўғим қисмининг йиртилиши, шунингдек, елка айлантирувчи манжетининг қисман йиртилиши ташхиси қўйилган.

"Шунчаки буни енгиб ўтишга тўғри келади", - деб ёзди UFC чемпиони ижтимоий тармоқда жароҳатларини санаб ўтиб.

Нью-Жерси штати Атлетика комиссияси баёнотига кўра, Стрикленд тиббий кўрикдан сўнг жанглардан муддатсиз четлатилган. Шон жангдан бироз олдин машғулот пайтида елкасини чиқариб олган, аммо октагонга чиқишга қарор қилган, бу эса жароҳатини янада оғирлаштирган.

Ҳозирча Шон Стриклендга жарроҳлик амалиёти керак бўладими ёки йўқ, буниси номаълум. Бундай жароҳатлардан кейин тикланиш учун қанча вақт кетиши ҳам маълум эмас. Эҳтимол, ўрта вазн тоифасида UFC чемпиони бўлган Стрикленд октябрь ойида Абу-Дабида ўтказиладиган турнирда Чимаевга реванш учун имконият берар.