31 янв 07:45
Янгиликлар

Футбол

Шота Арвеладзе: “Иккала голни ҳам ўзимиз “совға” қилдик”

“Ал Гарафа” – “Пахтакор” (2:1) учрашувидан кейин “шерлар” устози Шота Арвеладзе матбуот анжуманида иштирок этиб, ўйин ҳақидаги фикрларини билдирди.

- Рақибни ғалаба билан табриклайман ва уларга мусобақада омад тилайман. Биз оддий хатолар сабабли икки гол ўтказиб юбордик. Кейинчалик вазиятни ўзгартиришга уриндик, аммо ўйинни қўшимча бўлимларга ўтказиш имкониятидан фойдалана олмадик.

- Иккинчи бўлимда жамоа кучлироқ ўйнади? Бунинг сабаби нимада?

- Жисмоний тарафдан улар яхши ҳолатга кириб боришяпти. Қолаверса, натижа туфайли биз олдинга ўтишга мажбур эдик. Ҳар икки голни ўзимиз олиб келдик. Дастлаб пеналти, кейин эса кутилмаган зарба. Голларни рақибга “совға” қилдик. "Гарафа" бошқа бирорта имконият яратмади... Футболчилар ҳам оддий инсон. Улар ана шундай хатоларга йўл қўйиб туришади.