12 июн 12:45
Янгиликлар

Теннис

Штутгарт (ATP). Энди Маррей финалда ўйнайди

Дунёнинг 68-ракеткаси Энди Маррей Германиянинг Штутгарт шаҳрида якунига етиб бораётган нуфузли ATP турнирининг финалига йўл олди.

Британиялик теннисчи ярим финалда рейтингнинг 78-поғонасидан жой олган австралиялик Ник Киргиосни 7/6(5), 6/2 ҳисобида мағлуб этди. Тўқсон уч дақиқа давом этган баҳсда Энди 9, Ник эса 10 та эйс зарбасини амалга оширган.

Теннисчиларнинг ўзаро учрашувларида Киргиос битта ғалабага эга бўлиб турибди - 1:6. Маррей BOSS OPEN бош соврини учун италиялик Маттео Берреттинига қарши кортга чиқади.