21 сен 12:34
Янгиликлар
Shymkent International. Хабибулина ярим финалга чиқди
“Фьючерс” туркумига кирувчи Shymkent International турнирининг асосий тўр баҳсларида учинчи рақам остида таснифланган Албина Хабибулина ярим финал йўлланмасини қўлга киритди. Ҳамюртимиз ҳозиргина якунига етган учрашувда мезбонлар вакиласини мағлуб этди.
Хабибулина турнирнинг олтинчи ракеткаси россиялик Ульяна Айзатулинага қарши кортга чиқди. Биринчи сет 6:3 ҳисобида Ульянанинг фойдасига ҳал бўлди. Иккинчи сетда Албина 6:2 ҳисобида зафар қучди.
Ҳал қилувчи учинчи сетнинг олтинчи геймидан сўнг Айзатулина жароҳат сабаб баҳсни давом эттира олмаслигини маълум қилди. Бу вақтга келиб теннисчимиз 5:1 ҳисобида олдинда бораётганди. Энди Хабибулина финал чиптаси учун турнирнинг биринчи рақамли теннисчиси россиялик Дарья Кружковага қарши кортга чиқади.
Фикрлар