14 янв 10:43
Янгиликлар

Теннис

Сидней (АТР). Медведев фаолиятидаги илк совринга эга чиқди

Австралиянинг Сидней шаҳрида теннис бўйича соврин жамғармаси 468 910 доллардан иборат бўлган турнир якунланди.

Apia International Sydney мусобақасининг ҳал қилувчи финал учрашувида россиялик Даниил Медведев австралиялик 18 ёшли Алекс де Минаурга қарши кортга чиқди.

Саралаш баҳслари асосий тўрга етиб келган 21 ёшли Медведев 2 соату 13 дақиқа давом этган баҳсда рақибини 1:6, 6:4, 7:5 ҳисобида мағлуб этди. Бу Даниилнинг фаолиятидаги биринчи соврин бўлди.

Сиднейдаги муваффақиятли иштирок россиялик теннисчига 83 650 доллар мукофот пули ҳамда 250 рейтинг очкосини тақдим этди. Медведев айни пайтда дунё рейтингида 84-ўринни эгаллаб турибди.