09 янв 16:07
Янгиликлар

Теннис

Сидней (WTA). Кербер Уильямсдан устун келди

Австралиянинг Сидней шаҳрида соврин жамғармаси 733 900 доллардан иборат бўлган турнир давом этмоқда.

Sydney International мусобақасига NSW Tennis Centre хард қопламали кортлари мезбонлик қиляпти. Турнирнинг амалдаги чемпиони британиялик Йоханна Конта ҳисобланади.

Мусобақанинг иккинчи даврасида америкалик Винус Уильямс дунёнинг собиқ биринчи ракеткаси германиялик Анжелик Керберга 7:5, 3:6, 1:6 ҳисобида имкониятни бой бериб қўйди. Россиялик теннисчилар Елена Веснина ва Екатерина Макарова ҳам ўз иштирокларини якунлашди.