10 янв 15:02
Янгиликлар
Футбол
Симеоне мавсум охирида "Атлетико"ни тарк этади
Аргентиналик мутахассис аллақачон клуб раҳбариятини қарори ҳақида хабардор қилган.
Мадриднинг "Атлетико" клуби бош мураббийи Диего Симеоне 2022/23 йилги мавсум якунида жамоадан кетади. Бу ҳақда "El Chiringuito" нашри журналисти Пако Гарсия Каридада хабар берди.
52 ёшли Симеоне 2011 йилдан бери "Атлетико" бош мураббийи сифатида ишлаяпти. У клуб билан икки марта Испания чемпионлигини қўлга киритди. Шунингдек, Европа Суперкубоги, Испания Кубоги, Европа Лигаси соҳиби бўлди ва икки марта Чемпионлар Лигаси финалига чиқди.
"Атлетико" ушбу мавсум унчалик яхши кўринмаяпти. Мадрид жамоаси Чемпионлар Лигасидан чиқиб кетган, Ла Лигада эса 5-ўринда бормоқда.
Ҳавола :
Манба : El Chiringuito
Фикрлар