14 мар 14:43
Янгиликлар

Теннис

Симона Халеп Индиан-Уэллс тўртинчи даврасига чиқди

АҚШнинг Индиан-Уэллс шаҳрида теннис бўйича нуфузли WTA турнири давом этмоқда.

Сайёрамизнинг 26-ракеткаси Симона Халеп мусобақанинг учинчи даврасида рейтингда ўзидан 9 поғона юқорида бораётган америкалик 18 ёшли Кори Гоффни 6/3, 6/4 ҳисобида таслим эта олди.

Етмиш олти дақиқа давом этган баҳсда 30 ёшли Халеп 1 та, Гофф эса 2 та эйс зарбасини ижро этган. Теннисчиларнинг ўзаро иккинчи учрашувида ҳам Симона рақибасидан устун келди. Энди Халеп BNP Paribas Open турнирининг тўртинчи даврасида руминиялик Сорана Кирстяга қарши кортга чиқади.